Çempionlar Liqası: “Real Madrid” geri dönüş edərək finala yüksəlib
UEFA Çempionlar Liqasında ikinci finalçı bəlli olub.
ILK.AZ Azərtac-a istinadən xəbər verir ki, yarımfinal mərhələsinin digər cavab oyununda Almaniya “Bavariya”sı İspaniyada “Real Madrid”lə qarşılaşıb. Görüş "kral klubu"nun 2:1 hesablı qələbəsi ilə yekunlaşıb.
Matçda hesabı 68-ci dəqiqədə qonaqların heyətinə Alfonso Deyvis açıb. Lakin Madrid təmsilçisi 88-ci və 90+1-ci dəqiqədə Xoselunun vurduğu qollarla geri dönüş edərək qalib gəlib.
İlk görüşdə məhsuldar heç-heçə (2:2) qeydə alındığı üçün Karlo Ançelottinin komandası adını finala yazdırıb.
Qeyd edək ki, "Real Madrid"in finaldakı rəqibi Almaniyanın “Borussiya Dortmund” komandası olacaq.
Mənbə: AZƏRTAC
Məqaləyə emosiya bildir:
11 gün əvvəl
248 dəfə oxundu
248 dəfə oxundu
ilk.az-çılar nə deyir?
Fikirlər (0)