Lənkəranın Şağlasər kəndində Birinci Qarabağ müharibəsinin şəhidi dəfn olunub
Birinci Qarabağ müharibəsində itkin düşmüş hesab olunan Musayev İbad Musarza oğlunun meyitinin qalıqları Lənkəran rayonuna gətirilib. O, Beyləqan rayonunun Şəfəq qəsəbəsində yerləşən "Peyğəmbər" qəbiristanlığında naməlum şəhid kimi dəfn edilmişdi.
ILK.AZ Azərtac-a istinadən xəbər verir ki, şəhidin nəşi rayonun Şağlasər kəndində ailəsinə təhvil verilib və vida mərasimi keçirilib. Vida mərasimində kənd sakinləri, şəhidin ailə üzvləri, qazilər, eləcə də rayon icra hakimiyyətinin, hüquq-mühafizə orqanlarının əməkdaşları, ictimaiyyət nümayəndələri iştirak ediblər.
Cənazə namazı qılındıqdan sonra şəhidin nəşi kənd qəbiristanlığında torpağa tapşırılıb, dualar oxunub.
Qeyd edək ki, Musayev İbad Musarza oğlu 1994-cü il yanvarın 26-da Füzuli rayonunun Aşağı Əbdürrəhmanlı kəndi uğrunda gedən döyüşlərdə itkin düşmüş sayılırdı.
Mənbə: AZƏRTAC
Məqaləyə emosiya bildir:
11 gün əvvəl
251 dəfə oxundu
251 dəfə oxundu
ilk.az-çılar nə deyir?
Fikirlər (0)