Xoşbəxt evliliyin 9 əsas şərti
Evliliklərdə yaranan bəzi problemləri asanlıqla həll etmək mümkündür. Xoşbəxt evliliyin əsas şərtlərini təqdim edirik.
Gərgin iş rejimi, mübahisələr ailədə böyük problemlərin yaranmasına səbəb olur. Hər şeydən əvvəl bir bütöv olduğunuzu, bir-birinizdən üstün olmadığınızı və bir-birinizə hörmət bəsləməli olduğunuzu unutmamalısınız.1. Hörmət və sevgi
Xoşbəxt evliliyin ilkin şəti sevgidir. Sevdiyiniz insanla ailə qurun. İki insanın bir-birini sevməyi onların evliliyini də uzunömürlü edir. Hörmət və sevginin olduğu ailələr xoşbəxt və sarsılmaz olurlar.
2. Bağlılıq və sədaqət
Sizi itirməkdən, incitməkdən, üzməkdən qorxan biriylə birlikdə olmalısınız. Tərəflər bir-birilərinə sədaqətli olmalıdırlar. Bu, aranızdakı etibarı gücləndirəcək. İtirmək həyəcanı yaşayanlar ailələrinə daha bağlı olurlar.
3. Fərqliliklərə sayğı durmaq
Qadın və kişi arasında fərqliliklər var. Ancaq bu fərqlər onları bir-birindən üstün hala gətirmir, əksinə onların bir-birini tamamlaması üçün vacibdir. Fərqliliklər evliliyin monotonluqdan çıxmasını təmin edir. Xırda mübahisələr evliliyin dadı-duzudur.
4. Cinsi uyğunluq
Cinsi uyğunluq evliliyin ən vacib ünsürlərindəndir. Tərəflər cinsi baxımdan uyğunluq təşkil etmədikdə bəzi problemlər yaranır. Ərlə arvad tez-tez göz təması qurmalı, bir-birinə toxunmalı və öpüşlərə üstünlük verməlidirlər.
5. Problemlər bir nəfərin üstünə yüklənməməlidir
Hər ailədə bəzi anlaşılmazlıqlar meydana çıxır. Ancaq bütün səhvlər tərəflərdən birinin üstünə atılmamalıdır. Hər problemin iki səbəbkarı var. Qadın və kişi öz üzərlərinə düşənləri etməlidir. Unutmayın, həyat müştərəkdir.
6. Qəzəb və əsəb
Qəzəblənərkən ayrı otaqlarda gözləyin. Sakitləşmək üçün başınızı qatan fəaliyyətlər tapın, musiqi dinləyin. Sakit tərzdə həyat yoldaşınızla danışa, evdən çıxıb hava almasını rica edə bilərsiniz. Əsla başqalarının yanında dalaşmayın. Problemlər daha da alovlana bilər.
7. Ortaq hobbilər yaradın
Ortaq hobbilərin olması, birlikdə nədənsə həzz almaq evliliyi möhkəmləndirir. Birlikdə əylənmək, vaxt keçirmək vacibdir.
8. Bir-birinizdən ayrı qalmayın
Mümkün qədər uzaq düşməyin. Birlikdə çoxlu zaman keçirin. Bəzi cütlüklər uşaq doğulduqdan sonra bir-birinə əvvəlki tək vaxt ayırmırlar. Həyat yoldaşınızla dost olun, onunla dərdləşin. Problemlərinizi bir yerdə aradan qaldırın.
9. Kiçik sürprizlər və jestlər edin
Evlilikdə sürprizlər və jestlər vacib elementlərdir. Onlar evliliyə maraq, həyəcan qatır, dəyəri əyani şəkildə nümayiş etdirir. Məsələn, səhər ona qəhvəaltı hazırlayın. Öz əllərinizlə kiçik hədiyyələr düzəldin.
