Evdə bel ağrısını necə müalicə etmək olar? Bel ağrısı üçün 7 təbii vasitə
Bel ağrısı gündəlik işinizi və planlarınızı poza bilər. Bel ağrısı tez-tez ağır əşyaları qaldıranda və ya uzun müddət dizüstü kompüterinizin qarşısında oturanda yarana bilər. İnsanların təxminən 83% -i həyatlarının hər hansı bir mərhələsində bel ağrılarından əziyyət çəkirlər.
Bel əzələləri səbəbiylə yaranan bel ağrısının qarşısını alan bir neçə təbii üsul var. Aşağıdakı müalicə metodlarını düzgün tətbiq etsəniz, bel ağrılarından qısa müddətdə xilas ola bilərsiniz.
1. Buz müalicəsi
Buz, əzələ ağrısını müalicə edən ən geniş yayılmış üsuldur. Ağrı siqnallarını və şişkinliyi əhəmiyyətli
şəkildə azaldır. Hər gün bir neçə dəfə ən azı 20 dəqiqə boyunca belinizin ağrıyan nahiyəsinə buz qoyun.
2. İstilik müalicəsi
İsti bir çox ağrını aradan qaldırır. Bel ağrısı üçün də istifadə olunan bir müalicə metodudur. Bir dəsmalı ilıq suya salın, yaxşıca sıxın və sonra ağrıyanyerinizi bu dəsmal ilə örtün. Dəsmalı ən azı 20 dəqiqə ağrılı yerinizdə saxlamağa çalışın və bunu üç-dörd gün ərzində təkrarlayın.
3. Masajla müalicə
Beliniz ağrıyırsa, masaj üsulundan istifadə edə bilərsiniz. Yatağa və ya divana uzanıb özünüzü masaj etdirin.
4. Gənəgərçək yağı ilə masaj
Gənəgərçək yağı ağrıkəsici və iltihab əleyhinə xüsusiyyətləri olan ricinoleik turşuya malikdir. Bel ağrısına səbəb olan qıcıqlanmanı müalicə edir. Bir qaşıq gənəgərçək yağını isidib onunla ağrıyan yerinizi masaj edin. Ağrı tam kəsənə qədər davam edin.
5. İngilis duzu ilə müalicə
İngilis duzu maqneziumla zəngindir. Maqneziumun ağrını azaltdığı barədə məlumat çoxdan bəri yayılıb. Vannaya bir az maqnezium duzu əlavə edin. 20 dəqiqə vannada qalın. Bel ağrısı tamamilə yox olana qədər bunu həftədə 3 dəfə təkrarlayın.
6. Sarıkök ilə müalicə
Sarıkök ağrıkəsici və iltihab əleyhinə xüsusiyyətləri olan ədviyyatdır. Bu xüsusiyyətlər bel ağrısını və simptomları minimuma endirməyə kömək edir. Bir stəkan süddə bir çay qaşığı sarıkökü yaxşıca qarışdırın. Bu qarışığı gündə iki dəfə səhər və axşam belinizə çəkin.
7. Zəncəfil ilə müalicə
Zəncəfil də ən güclü ağrıkəsici tərkibli ədviyyatlardan biridir. Bir stəkan isti suda dörd-beş dilim zəncəfili qarışdırın. Daha ləzzətli dad üçün bir az bal əlavə edə bilərsiniz. Çünki insanların çoxu zəncəfilin dadını bəyənmir. Bu qarışığı soyumadan əvvəl için və gündə iki dəfə təkrarlayın.
[xeberdarliq]
