Gecə asanlıqla yuxuya keçməyin yolları
Adətən yuxusuzluq kimi ifadə olunan insomnia, bir çoxlarının əziyyət çəkdiyi problemdir. Elmi tədqiqatlar göstərir ki, sağlam yuxu immunitet üçün son dərəcə vacibdir. Gecələr yuxuya keçməyi asanlaşdıracaq 5 metodu təqdim edirik.
1- Nəfəs məşqləri
Stress, narahatlıq kimi hallar yuxuya keçməyinizi asanlaşdıra bilər. Tez yuxuya getməyiniz üçün nəfəs məşqlərindən istifadə edə bilərsiniz. Nəfəs məşqi gündəlik həyatda yaşadığınız stressi azalda bilər. Tədqiqatlara görə, bir çox insan tərəfindən müsbət nəticələr verdiyi söylənilən bir nəfəs məşqi var: 4-7-8. Yuxuya keçmək məqamına çatdığınızda 4 saniyə ərzində dərin bir nəfəs alın və nəfəsinizi 7 saniyə tutun. 8 saniyə ərzində tutduğunuz nəfəsini buraxın. Bu üsul ağlınızdakı bir çox düşüncələrdən uzaqlaşmağınıza kömək edə bilər.
2- Ayaq barmaqlarını sıxmaq
Yuxuya getməzdən əvvəl ayaqlarınızın gərildiyini hiss edirsinizsə, bədəniniz hələ də aktiv ola bilər. Nə qədər çox yuxulu olduğunuzdan asılı olmayaraq, bədəniniz yuxuya qarşı müqavimət göstərə bilər. Yatmazdan əvvəl etməli olduğunuz ilk şey əzələlərinizi boşaltmaqdır. Ayaq barmaqlarınızı davamlı olaraq sıxıb buraxın. Bu zaman ürəyinizdə 10-a qədər sayaraq yuxuya gedə bilərsiniz.
3- Oyaq qalmağa çalışmaq
Qəribə səslənsə də, bu üsul işə yarayır. Yatmağa çalışdığınız zaman yuxuya keçməyiniz getdikcə çətinləşə bilər. Bunun əvəzinə, oyaq qalmağa çalışdığınız zaman daha tez yuxuya gedə bilərsiniz. Ağlınız əks psixologiyanı daha tez qəbul edər və tez bir zamanda yatarsınız.
4- Dizlərin altına yastıq qoymaq
Yuxu mövqeyi yuxu zamanı və sonra bir çox şərtlərə təsir göstərə bilər. Məsələn, saatlarla əks yuxu vəziyyətində yatmağınız həm yuxuya getməyinizi çətinləşdirər, həm də keyfiyyətsiz bir yuxuya səbəb olar. Dizlərinizin altına bir yastıq qoyaraq onurğanızdakı təzyiqi azalda bilərsiniz. Yanı üstə yatırsınızsa, dizlərinizin arasına yastıq qoyaraq rahat yuxuya keçə bilərsiniz.
5- Üzü soyuq su ilə yumaq
Rahat bir yuxu üçün əsasən isti duş tövsiyə olunur. Yatmazdan əvvəl isti duş qəbul etmək bədəndəki əzələlərin rahatlanması üçün faydalıdır, lakin bunun tam əksi də müsbət nəticə verir. Soyuq su nəbzi yavaşladır və daha rahat bir yuxu üçün zəmin yaradır.
[xeberdarliq]
