Noyabr Bürclər 2025
♈ Qoç və yüksələn Qoç
Noyabr ayında əsas diqqətin pul və maliyyə məsələlərinə yönələcək. Ayın sonuna doğru uzun zamandır hiss etdiyin daxili sıxıntı və nəzarətsizlik hissi azalacaq, çünki Saturn artıq düz hərəkətə başlayır. 4 noyabrda Mars Yay bürcünə keçir və enerjin yüksəlir. Yeni işlərə başlamaq, risk almaq və səyahət planları qurmaq üçün motivasiyan artacaq. Xarici ölkələrlə bağlı işlər, təhsil və hüquqi məsələlərdə hərəkətlilik mümkündür.
Ancaq 9 noyabrda Merkuri geriyə hərəkətə başlayır. Bu, sənin üçün yanlış anlaşılmalara səbəb ola bilər, xüsusilə sosial mediada fikir paylaşarkən diqqətli ol. Ayın əvvəlində verdiyin qərarları yenidən gözdən keçirməli ola bilərsən. Yaxşı tərəfi odur ki, köhnə hüquqi məsələlər və xariclə əlaqəli işlərdə müsbət xəbər ala bilərsən. 5 noyabrda Boğa bürcündəki Dolunay pul, sərmayə və gəlir mövzularında bir nəticə gətirəcək. Artıq bəzi maliyyə planlarını bağlamağa və yeni mərhələyə keçməyə qərar verə bilərsən.
20 noyabrda Əqrəb bürcündə baş verəcək Yeni Ay bir borcun bağlanmasına, ya da həyat yoldaşınla həm maliyyə, həm də mənəvi bağların güclənməsinə işarədir. Ayın sonunda Satürn düz hərəkətə dönür və üzərindəki daxili təzyiq yavaş-yavaş yox olur. Ruhən özünü daha güclü hiss edəcək və həyata daha real baxmağa başlayacaqsan. Əgər son aylarda özünü tənha və sıxılmış hiss etmisənsə, bu dövr artıq bitmək üzrədir. Dekabr ayında yeni başlanğıclar səni gözləyir.
♉ Buğa və yüksələn Buğa
2018-dən bəri səni dəyişməyə məcbur edən Uran, 8 noyabrda son dəfə sənin bürcünə qayıdır. Bu ay həm özündə, həm də münasibətlərində baş verən dəyişikliklərin nəticəsini açıq-aydın görəcəksən. 5 noyabrda sənin bürcündə Dolunay baş verir və bu, bir mövzunu tamamlayıb yeni qərarlar verməyə təkan verəcək. Özünü daha yaxşı tanıyacaq və “mən kim olmaq istəyirəm?” sualına cavab tapacaqsan. Bəlkə də xarici görünüşünü dəyişmək və ya səni sıxan bir vəziyyətdən azad olmaq istəyəcəksən.
7 noyabrda Venera münasibətlər sahəsinə keçir və eşq həyatı canlanır. Əgər tək Buğasan, yeni bir münasibət başlaya bilər. 9 noyabrda Merkuri geriyə dönür və bu, maliyyə məsələlərində, borclarda, vergilərdə və ortaq hesablarla bağlı gecikmələr gətirə bilər. Keçmişdə gizli qalmış hadisələr indi üzə çıxa bilər. Münasibətlərdə güvən və səmimiyyət sınaqdan keçəcək. Bəzi gözlənilməz görüşlər və təkliflər münasibətlərin istiqamətini dəyişə bilər.
20 noyabrda Əqrəb bürcündə baş verəcək Yeni Ay yeni münasibət və əməkdaşlıq üçün fürsət gətirəcək. Həyatında yeni bir səhifə aça bilərsən. Ayın sonunda Satürn düz hərəkətə dönür və bu, gələcək planlarında aydınlıq gətirəcək. Sosial çevrəndə kimə güvənə biləcəyini daha aydın görəcəksən. İş və komanda içindəki qarışıqlıqlar da yavaş-yavaş yoluna düşəcək.
♊ Əkizlər və yüksələn Əkizlər
Noyabr sənin üçün iş və karyera baxımından əhəmiyyətli bir aydır. Uzun zamandır iş həyatında çətinliklər hiss edirsən, amma bu ay vəziyyətlər aydınlaşacaq. Ay sonuna doğru hansı istiqamətdə getmək istədiyinə qərar verəcəksən. Bu ay həm də cəmiyyət içindəki rolun – evlilik, ailə, iş və sosial mövzularda – dəyişikliklər göstərə bilər.
4 noyabrda Mars münasibətlər sahəsinə keçir. Bu, həm həyəcan, həm də gərginlik gətirə bilər. Partnerinlə yeni planlar qurmaq və ya birlikdə bir macəraya atılmaq istəyə bilərsən. Amma mübahisələrə də açıq bir dövrdəsən, ona görə balansı qorumaq vacibdir. 5 noyabrda baş verən Dolunay gizli məsələləri üzə çıxara bilər. İşi və ya dost çevrəsini diqqətlə izləmək lazımdır, çünki bəzi anlaşılmazlıqlar ola bilər. 9 noyabrda Merkuri geriyə dönür, bu da köhnə mövzuların yenidən gündəmə gəlməsinə səbəb ola bilər.
İş mühitində sənədləri, müqavilələri iki dəfə yoxla, texniki gecikmələr ola bilər. Keçmişdə etdiyin müraciətlərdən geri dönüş ala bilərsən. 20 noyabrda Əqrəb Yeni Ayı yeni iş, yeni rejim və ya sağlamlıq vərdişi üçün ideal zamandır. Həyatına nizam gətirmək üçün fürsət yaranacaq. Ayın sonunda Satürn düz hərəkətə keçəcək və uzun zamandır hiss etdiyin təzyiq azalacaq. Artıq hədəfin aydınlaşır və doğru istiqamətə yönəlirsən.
♋ Xərçəng və yüksələn Xərçəng
Bu ay sənin üçün xeyirli və şanslı bir dövrdür. Dolunay və Yeni Ay sənə mənfi təsir göstərməyəcək. Əksinə, sevgi və ailə ilə bağlı gözəl xəbərlər ala bilərsən. 4 noyabrda Mars iş və sağlamlıq sahəsinə keçir, yəni ay boyunca çox məşğul olacaqsan. İş tempin artacaq, bəzən özünə vaxt ayırmaqda çətinlik çəkə bilərsən.
9 noyabrda Merkuri geriyə dönür və bu, gündəlik işlərdə, randevularda, e-maillərdə və sənədlərdə gecikmələr yarada bilər. Əvvəlcədən ehtiyatlı olmaq və hər şeyi yedəkləmək yaxşı olar. İyul ayından bəri sənə dəstək verən Yupiter 11 noyabrdan etibarən geriyə dönəcək və bu, daxili dünyanda sakitlik və yenilənmə gətirəcək. Keçmişdə qaçırdığın fürsətlər indi qapını döyə bilər.
5 noyabr Dolunayı sosial çevrəndə bir ayrılıq və ya uzaqlaşma göstərə bilər. Bəzi dostluqları sonlandırmaq və öz həyatına yönəlmək istəyə bilərsən. 20 noyabrda Əqrəb Yeni Ayı isə sevgi, yaradıcılıq və ailə ilə bağlı yeni başlanğıclar və xoş xəbərlər gətirəcək. Yeni bir hobbiyə başlaya bilərsən və ya ürəyinin səsini dinləməyə qərar verəcəksən. Ay sonuna doğru Satürn düz hərəkətə keçir və xarici ölkələrlə bağlı işlər, təhsil, viza və səyahət məsələlərində qarşılaşdığın çətinliklər bitəcək. Uzun zamandır gözlədiyin cavablar bu dövrdə gələcək.
♌ Şir və yüksələn Şir
Noyabr ayında həm iş, həm də ev həyatında mühüm dəyişikliklər səni gözləyir. 5 noyabrda baş verəcək Dolunay karyeranla bağlı bir qərar verməyinə səbəb ola bilər — bəlkə iş yerini dəyişmək, ya da tamamilə ayrılmaq istəyə bilərsən. Cəmiyyət qarşısındakı mövqeyin də dəyişə bilər; evlilik və ya ayrılıq kimi ciddi qərarlar gündəmə gələ bilər. 8 noyabrda Uran planetinin yenidən Boğa bürcünə qayıtması, sənə karyeranda son dəfə böyük dəyişikliklər etmək imkanı verəcək. 2026-cı ilin fevralına qədər bu sahədə istədiyin istiqamətdə dönüş edə biləcəksən.
4 noyabrda Mars eşq və yaradıcılıq evinə keçir. Bu, romantik hisslərin artdığı, yeni flört və tanışlıqlar üçün əlverişli dövrdür. Eyni zamanda yaradıcı layihələrə başlamaq üçün də gözəl zamandır. Lakin 9 noyabrda Merkuri geriyə dönəcək və bu, sevgi və uşaqlarla bağlı məsələlərdə qarışıqlıq yarada bilər. Köhnə sevgililərdən xəbər ala bilərsən və ya başladığın layihələri yenidən nəzərdən keçirməli olarsan.
20 noyabrda Əqrəb Yeni Ayı ev və ailə ilə bağlı dəyişikliklər gətirəcək. Ev almaq, köçmək, təmir etdirmək və ya ailə ilə bağlı mühüm qərarlar vermək mümkündür. Ayın sonunda isə Satürn düz hərəkətə başlayır və uzun zamandır səni sıxan borc və maliyyə gərginliklərindən xilas olursan. 29 noyabrda Merkuri də düz hərəkətə keçəcək, beləliklə ailə və münasibətlərdəki anlaşılmazlıqlar aradan qalxacaq. Ay sonuna doğru həm maddi, həm də emosional baxımdan rahat nəfəs alacaqsan.
♍ Qız və yüksələn Qız
Noyabr ayı sənin üçün münasibətlərdə və ailə həyatında sakitlik gətirən bir dövrdür. 2023-cü ildən bəri yaşadığın gərginliklər artıq tədricən aradan qalxacaq, çünki ay sonunda Satürn düz hərəkətə keçəcək. 5 noyabrda baş verən Boğa Dolunayı sənə təhsil, media, yazı, səyahət və xariclə əlaqəli işlərdə bir nəticə gətirəcək. 2008-ci ildən bəri səni yeni təcrübələrə açan Uran indi son dəfə bu sahədə dəyişikliklərə səbəb olur.
Bu dövrdə dünyaya baxışın dəyişə bilər. Uzun müddət doğru bildiyin bir şeyin əslində fərqli olduğunu anlaya bilərsən. 9 noyabrda Merkuri ev və ailə sahəsində geriyə dönəcək. Bu, evdə təmir, köç və ya ailə ilə bağlı keçmiş məsələlərin yenidən gündəmə gəlməsi deməkdir. Ailə içində kiçik gərginliklər və ya anlaşılmazlıqlar ola bilər, lakin səbrlə davranmaq müsbət nəticə gətirəcək.
20 noyabrda Əqrəb Yeni Ayı yeni layihə və ya təhsil imkanlarını gündəmə gətirəcək. Bəlkə yeni bir sosial media səhifəsi açmaq, yazı layihəsinə başlamaq və ya avtomobil almaq kimi qərarlar verəcəksən. Kardeşinlə bağlı bir məsələ də yenidən diqqətinə gələ bilər. Ay sonunda həm Satürn, həm də Merkuri düz hərəkətə başlayır, bu da münasibətlərdə, işdə və yazışmalarda yaranan gecikmələrin bitməsi deməkdir. 29 noyabrdan sonra sən həm əlaqələrində, həm də planlarında aydınlıq tapacaq və inamla irəliləyəcəksən.
♎ Tərəzi və yüksələn Tərəzi
Noyabr ayı sənin üçün pul, öz dəyərin və maddi sabitlik mövzularını önə çıxarır. Xərcləmə vərdişlərini dəyişmək və gəlirini daha düzgün idarə etmək istəyəcəksən. 5 noyabrda baş verən Boğa Dolunayı ortaq gəlirlər, borclar, vergi və kreditlərlə bağlı bir məsələni gündəmə gətirəcək. Əgər ailə büdcəsində və ya işdə maliyyə balansı pozulubsa, indi onu bərpa etmək lazım olacaq.
4 noyabrda Mars kommunikasiya sahəsinə keçir və bu, danışıqların, görüşlərin və qısa səfərlərin artması deməkdir. Lakin 9 noyabrda Merkuri geriyə dönür, bu da sənədlərdə, mesajlarda və ünsiyyətdə anlaşılmazlıqlar yarada bilər. Qardaş, qonşu və yaxın çevrə ilə münasibətlərdə sözlərə diqqət etmək lazımdır. Əvvəllər öyrəndiyin bir kursu yenidən təkrarlaya və ya veb səhifəni yeniləyə bilərsən.
20 noyabrda Əqrəb Yeni Ayı sənə yeni qazanc mənbəyi gətirə bilər. Maaş artımı və ya əlavə gəlir imkanı gündəmə gələ bilər. Ayın sonunda Satürn düz hərəkətə keçəcək, bu isə iş şəraitində və sağlamlıqla bağlı məsələlərdə rahatlama gətirəcək. Uzun zamandır səni yoran iş yükü azala bilər, həmkarlarla problemlər həll ola bilər. Əgər sağlamlığınla bağlı bir narahatlıq varsa, doğru müalicə tapmaq mümkündür. Bu ay həm iş, həm də bədən sağlamlığı baxımından balans tapmaq üçün gözəl fürsətdir.
♏ Əqrəb və yüksələn Əqrəb
Bu ay sənin ayındır, yəni həyatında böyük dəyişikliklər baş verir. 2018-dən bəri münasibətlərində və düşüncə tərzində dönüş yaşayırsan, indi isə bu dəyişimin son mərhələsinə qədəm qoyursan. Uran planeti son dəfə Boğa bürcünə dönür və sənə “artıq nə istədiyini müəyyənləşdir” mesajı verir. 5 noyabrda baş verən Dolunay bir münasibətin sonlanması və ya yeni mərhələyə keçməsi anlamına gələ bilər.
7 noyabrda Venera sənin bürcünə keçir və cazibən artır. Özünü daha güclü və dəyərli hiss edəcəksən. 9 noyabrda Merkuri geriyə dönür və maliyyə məsələlərində qarışıqlıq gətirə bilər. Pul məsələlərində ehtiyatlı ol. 19 noyabrdan sonra Merkuri yenidən sənin bürcünə qayıdacaq və səni daha çox düşünməyə, qərarlarını dəyərləndirməyə vadar edəcək. Bu, həm də daxili bir təmizlənmə dövrüdür — terapiya, meditasiya və özünü dinləmək faydalı olacaq.
20 noyabrda sənin bürcündə Yeni Ay baş verir. Bu, yeni başlanğıclar üçün güclü zamandır. Öz həyatına yeni istiqamət verməyə hazırsan. 28 noyabrda Satürn düz hərəkətə başlayacaq və sevgi, yaradıcılıq və uşaqlarla bağlı gecikmələr aradan qalxacaq. 29 noyabrda Merkuri də düz hərəkətə keçəcək. Ay sonuna doğru planlarını reallaşdırmaq və yeni həyatına qəti addım atmaq üçün doğru zamandır.
♐ Oxatan və yüksələn Oxatan
Noyabrda diqqətin iş-güc, sağlamlıq və gündəlik ritmə yönəlir. 4 noyabrda Mars sənin bürcünə keçir: enerji yüksəlir, idmana başlamaq, çox hərəkət etmək istəyirsən, amma tələsmə—diqqətsizlik xırda qəzalara səbəb ola bilər. 9 noyabrda Merkuri də sənin bürcündə geriləyir: söz-söhbətdə “pot” qırmamaq üçün fikrini aydın ifadə et, hesab-kitab işlərində iki dəfə yoxla, yeni başlayan işlərdə ləngimələr ola bilər. 5 noyabr Boğa Dolunayı iş şəraitini, komanda münasibətlərini və sağlamlıq vərdişlərini önə çıxarır; bir məsələ pik nöqtəyə çatıb həll tələb edə bilər. 20 noyabr Əqrəb Yeniayı 12-ci evindədir: terapiyaya başlamaq, ziyanlı vərdişi tərgitmək, daxildə səni tıxayan davranışları dəyişmək üçün əla vaxtdır. 28 noyabrda Saturn ailə-ev mövzularında düz hərəkətə dönür: ev, daşınmaz əmlak, təmir və ailədaxili anlaşmazlıqlarda nəticə görürsən. 29 noyabrda Merkuri düzəlir—yanlış anlaşılmalar çözülür; arxa planda düşündüklərini gerçəkləşdirmək üçün isə ən yaxşı mərhələ dekabrdır.
♑ Oğlaq və yüksələn Oğlaq
Noyabr sənin üçün daha yüngül və zövqlü keçir. 2018-dən bəri sevgi və övlad mövzularında dəyişikliklər gətirən Uran yenidən Boğaya qayıdır: 5 noyabr Dolunayı qəfil bir eşqi alovlandıra, ya da “azadlıq” deyib münasibətə nöqtə qoydurmağa səbəb ola bilər. Hobbini işə çevirmək istəyi də güclənir; riskli sərmayələrdə isə gözlənilməz dalğalanmalar mümkündür. 4 noyabrda Mars Yayda: iç aləmin hərəkətlənir, 9 noyabrda Merkuri gerilədiyi üçün tək qalmaq, özünü dinləmək, gizli planları bişirmək istəyə bilərsən. Özünə mane olan köhnə vərdişləri görüb dəyişmək üçün ideal dövrdür. 20 noyabr Əqrəb Yeniayı gələcək planlarını yeniləməyə, yeni çevrəyə qoşulmağa şərait yaradır. 29 noyabrda həm Merkuri, həm də idarəçi planetin Saturn düz hərəkətə keçir: düşüncə aydınlaşır, təhsil-layihələrdən nəticə gəlir; qardaş-kuzenlə bağlı uzun sürən mövzular da yoluna düşür.
♒ Dolça və yüksələn Dolça
2018-dən bəri ev, ailə və yaşadığın mühitdəki silkələnmələri gətirən Uran bu ay son dəfə həmin sahəni hərəkətə gətirir. 5 noyabr Boğa Dolunayı ilə ev-əmlak, yaşayış yeri və ailə məsələsində “qapadılan səhifə” görünür: köç, satış-alış və ya ailə qərarı gündəmə gələ bilər. 4 noyabrda Mars dostlar, qruplar və sosial çevrə evinə keçir—daha aktiv olursan, tədbirlər, paylaşımlar artır. 9 noyabrda elə bu sahədə Merkuri geriləyir: görüşlərdə ləğvlər, anlaşılmazlıqlar, köhnə dostla yenidən əlaqə mümkündür. 20 noyabr Əqrəb Yeniayı karyerada görünürlük və yenilənmə gətirə bilər: yeni vəzifə, layihə və ya uzun münasibətdə evlilik qərarı gündəmə gələ bilər. Ay sonunda Saturn və Merkuri düzəlir: gələcək planları və gəlir kanallarında gecikmələr bitir, maliyyə baxımından nəfəs alır, yolunu dəqiq çəkirsən.
♓ Balıq və yüksələn Balıq
Uzun müddət “ağır yük” kimi hiss etdiklərin bu ay çözülməyə başlayır: 2023-dən bəri səni sıxan Satürn burcunda geriləməni bitirir və nəticə görürsən. 4 noyabrda Mars karyera evinə keçir—işdə mübarizə və hədəf fokusun artır; yalnız ki, rəhbərliklə gərginlik yaratma. 5 noyabr Boğa Dolunayı yazı-müqavilə-təlim mövzularında tamamlanma gətirir; qardaş-kuzenlə bağlı xəbər və ya avtomobil alış-satışı gündəmə gələ bilər. 9 noyabrda Merkuri karyerada geriləyir: məqsədləri yenidən dəyərləndir, təqdimat və yazışmalarda diqqətli ol. 20 noyabr Əqrəb Yeniayı qəfil təhsil, xaric planı və ya yeni kommunikasiya layihəsi açır—Uranüs təsiri sürprizi artırır. 28 noyabrda Satürn düz hərəkətə keçir: gecikmə və maneələr azalır, iç təzyiq yüngülləşir. 29 noyabrda Merkuri də düzəlir: həm karyera, həm də xaric-təhsil xəttində istiqamətin aydınlaşır.
