Dərinizin müəyyən nahiyələrində müntəzəm surətdə əmələ gələn sızanaqlar nədən xəbər verir?
İnternetdə sızanaqlarla bağlı yayılan “Qulağınızda sızanaq varsa, böyrək probleminiz var, yanağınızda sızanaq varsa, qaraciyərinizdə problem var” kimi məlumatları eşitmiş olmalısınız. Lakin bu məlumatların doğruluğunu sübut edəcək heç bir dəlil yoxdur. Sızanaqlar haqqında elmi məntiqi əsasları olan məlumatları sizə təqdim edirik.
1. Əgər baş dərinizdə sızanaq varsa,
Baş dərisindəki sızanaqlar qalın və yağ əsaslı saç məhsullarıdır. Saç köklərimizdəki təbii yağ və sebumların çıxmasına mane olan sızanaqlar məsamələri bağlayaraq ortaya çıxır. İstifadə etdiyiniz saç məhsullarına diqqət edin. Üzünüzü mütəmadi olaraq təmizləyin.
2. Yanaqlarınızda sızanaq varsa,
Yanağınızda sızanaq varsa, əvvəlcə telefonunuzu və yastığınızı yoxlamağı məsləhət görürük. Hər dəfə telefonla danışdığınız zaman telefonunuzdakı bir çox bakteriya üzünüzlə təmasda olur. Xüsusilə yanağınızın yalnız bir tərəfində sızanaq varsa, bunun səbəbi telefon ekranları və natəmiz yastıq üzləri ola bilər.
3. Çənə xəttinizdə sızanaq varsa,
Çənə və çənə xəttində görünən sızanaqlar adətən hormonal mənşəlidir. Orqanizmdə həddindən artıq androgen ifrazı piy vəzilərinin çox işləməsinə səbəb olur. Həddindən artıq işləyən piy vəzləri məsamələri bağlayır. Menstruasiya zamanı hormonal dəyişikliklər və ya istifadə etdiyiniz doğuma nəzarət həbləri səbəbindən üzünüzdə sızanaqlar yarana bilər. Bu, həmçinin pəhrizinizdəki hormonal dəyişikliklərlə əlaqəli ola bilər.
4. Alnınızda və burnunuzda sızanaq varsa;
T bölgəsi olaraq da bilinən alın və burun nahiyəsində sızanaqlar varsa, ağla ilk gələn yağlanma və stressdir. Sinqapurda 160 oğlan məktəbli arasında aparılan araşdırmaya görə, yüksək stress sızanaqlara səbəb olur. Başqa bir araşdırmaya görə, səhər yorğun oyanan insanlarda sızanaqların əmələ gəlmə ehtimalı daha yüksəkdir. Bu məlumatlardan göründüyü kimi, stress və yuxu pozğunluqları sızanaqların yaranmasına səbəb olur. Bundan əlavə, bir insanın gündə orta hesabla 100 dəfə üzünə toxunduğunu düşünsək, üzümüzə toxunaraq onu yağlandırırıq.
Nə etməli?
Baş dərinizdə sızanaq varsa, daha təmiz saça qulluq məhsulları istifadə edin.
Telefonunuzun və yastıq üzünüzün təmiz olduğundan əmin olun.
Qidalanmağınıza diqqət yetirin.
Mümkün qədər şəkər, ağ çörək və işlənmiş qidalardan uzaq durun.
İstifadə etdiyiniz dərmanların yan təsirlərə səbəb olmadığından əmin olun.
Dərinizin tipinə uyğun təmizləyicilərdən istifadə edin.
İnternetdə gördüyünüz müalicə üsullarını sınamazdan əvvəl mütləq dermatoloqa müraciət edin.
[xeberdarliq]
