Bir dəqiqədə diş ağrısından qurtulmağın 8 yolu
Dişiniz ağrıyırsa, bu ağrının səbəbini öyrənmək və onu necə müalicə edəcəyinizi bilmək vacibdir. Kiçik qıcıqlanmalar və ağrılar üçün ağzınızı duzlu su ilə yaxalamağınız faydalı ola bilər. Ancaq daha şiddətli ağrılarınız varsa, dişlərinizi diş həkiminə göstərməlisiniz. Diş ağrısını aradan qaldırmaq üçün evdə müalicə üsullarını təqdim edirik.
1. Duzlu su
Bir çox insan üçün duzlu su təbii dezinfeksiyaedicidir. Dişlər arasında ilişib qalan kiçik parçaları da yerindən çıxarmağa kömək edir. Bir stəkan ilıq suya bir çay qaşığı duz əlavə edib qarqara etmək kifayətdir.
2. Hidrogen peroksid
Ağzınızı hidrogen peroksidlə yaxalamaqla diş ağrısı və şişkinlikdən xilas olmaqla yanaşı, bakteriyaları da öldürə bilərsiniz. İstifadə etməzdən əvvəl hidrogen peroksidi suya yaxşıca qarışdırdığınızdan əmin olun. 3 %-lik hidrogen peroksidi bərabər miqdarda su ilə qarışdırın və ağız qarqarası kimi istifadə edin, ancaq udmamağa diqqət yetirin.
3. Nanə çayı
Nanə çayı dişlərin ağardılması və diş ətinin həssaslığı üçün istifadə olunur. Bundan əlavə, diş ağrısına çox yaxşı təsir edən nanə, yarpaq və ya çay şəklində istehlak edilə bilər.
4. Sarımsaq
Sarımsaq ağrıkəsici xüsusiyyəti ilə tanınır. Onun müalicəvi xüsusiyyətləri bir çox bakteriya növlərinin müalicəsində istifadə olunur. Əgər diş ağrınız üçün istifadə edəcəksinizsə, onu yalnız ağrıyan dişinizə tətbiq etməyiniz məsləhətdir.
5. Mixək
Mixək diş ağrısı üçün ən yaxşı təbii dərman kimi tanınır. Çünki mixəyin tərkibindəki yağ ağrını azaltmağa səbəb olur.
6. Quava
Quavada olan karotenoidlər, flavonoidlər və terpenoidlər, antioksidant birləşmələr xərçəngin, ürək- damar xəstəliklərinin və hətta alzheimer kimi degenerativ beyin xəstəliklərinin qarşısını ala bilən antiinflamatuar təsirlərə malikdir.
7. Kəklikotu yağı
Bir neçə damcı kəklikotu yağı birbaşa diş ağrıyan yerə tətbiq olunmalıdır. Kəklikotu yağını su ilə qarışdırıb içmək də olar.
8. Soyuq kompres
Əgər diş ağrınız dözülməz hala gəlibsə, ağrıyan dişinizə xaricdən soyuq kompres tətbiq etməyi məsləhət görürük. Soyuqluq hissi bölgədəki qan damarlarını sıxır və bununla da ağrını azaldır. Diş xəstəlikləri bəzən daha böyük bir xəstəliyin əlaməti ola bilər. Ona görə də ağız və diş sağlamlığınız üçün həkimə müraciət etməyinizi tövsiyə edirik.
