İstanbulda mütləq getməli olduğunuz 20 yer
İstanbul tarixi, gözəlliyi, təbiəti və digər imkanlarıyla əsl dünyadır. Burada gəzib-görməli yerlərin sayı olduqca çoxdur.
Əgər bura ilk dəfə gəlirsinizsə, şəhəri tanımaq baxımından təqdim etdiyimiz məqalənin önəmi böyükdür.
1. Taksim - İstiklal Caddesi
Taksim, İstanbul vilayətinin Beyoğlu mahalında və Cümhuriyyət dövründə bir meydana çevrilən İstanbulun turistik bölgələri daxilində bir bölgədir. İstiklal Caddesi, Türkiyənin ən məşhur küçələrindən biridir. Uzunluğu 1400 metr olan bu küçə Beyoğlu mahalının əsas oxunu təşkil edir. 9 ayrı məhəllənin olduğu küçə 19 -cu əsrdən bəri əhəmiyyətini qoruyub saxlayır.İstiqlal prospekti Türkiyənin ən kosmopolit ərazisidir. Yerli və xarici insanlarla doludur. Prospektdə qədim tramvayları görəcəksiniz. Bu prospektə Kadıköydən, Üsküdardan gəmi ilə getmək olar. Qalata qülləsindən prospektə doğru irəliləmək mümkündür. Taksim meydanına yaxın yerdən avtobusla da gəlmək olar.
2. Galata Kulesi (Qalata qülləsi)
528-ci ildə inşa edilmiş bu qüllə İstanbulun ən önəmli simvollarındandır. Buradan İstanbul boğazını izləyə bilərsiniz. Bizans imperatoru Anastasius tərəfindən tikdirilən qüllə Fənər qülləsi kimi inşa olunub. 1348-ci ildə qüllədə dəyişikliklər olunub. 1973-cü ildə şair Yaşar Oğuzcanın oğlu Vedat bu qüllədən özünü atıb. Oğuzcan bundan sonra Qalata qülləsi şeirini yazıb.
6 iyun 1973-cü il
Pırıl pırıl bir yaz günüydü
Aydınlıktı, güzeldi dünya
Bir adam düştü, o gün Galata Kulesi’nde
Kendini bir anda bıraktı boşluğa
Ömrünün baharında
Bütün umutlarıyla birlikte
Paramparça oldu
Bir adam benim oğlumdu..
Qalata qülləsinə giriş xərci: 5 yaşından yuxarı hamı üçün ödənişlidir. Yerli əhalidən 6.5 TL, xaricilərdən isə 13 TL alınır.
Anadolu istiqamətdən Qaraköy və Eminönünə gələrək bu qülləni tapa bilərsiniz. Avtobus və tramvayla gəlmək olar.
3. Ayasofya
Turistlər tərəfindən maraqla qarşılanan Ayasofya İstanbulda ən görməli məkanlardandır. Bura muzeydir. Fateh Sultan Məhmət tərəfindən məscidə çevrilib. Buranın vacib xüsusiyyətləri aşağıdakılardır:
Dünyanın ən çox ziyarət edilən muzeylərindən biri olan Ayasofya; Sənət və memarlıq tarixi baxımından dünyanın ən görkəmli abidələrindən biridir. Eramızdan əvvəl 6 -cı əsrdə Şərq Filosu tərəfindən dünyanın 8 -ci möcüzəsi olaraq təsvir edilmişdir.
Ən qədim kafedraldır.
Dünyanın ən davamlı ibadət yerlərindəndir.
Muzeyə giriş saatları:
Muzey hər gün açıqdır. Ramazan və Qurban bayramlarının ilk günü ziyarətə açıqdır.
Yayda 09:00-dan 19:00-a qədər açıq olur.
Qışda 09:00-dan 17:00-a qədər açıq olur.
Giriş 30 TL-dir.
Kimlər pulsuz daxil ola bilərlər?
18 yaşından aşağı Türkiyə vətəndaşları, uşaqlar və müəllimlər
Yaşı 65-dən çox olan Türkiyə vətəndaşları
Qazilər, şəhid ailələri
Qüsurlu şəxslər və onlara qulluq edənlər
Press kartı olan jurnalistlər
Xarici vətəndaşların uşaqları və s.
4. Sultan Ahmet Cami (Sultan Əhməd məscidi)
Məscid 1609-1616-cı illərdə Osmanlı padşahı I Əhməd tərəfindən inşa edilib. Ayasofya və Sultan Əhmədin qarşı-qarşıya olması gözəl görüntü əmələ gətirir. Mavi, yaşıl rəngli çinilərlə bəzədildiyi üçün avropalı turistlər tərəfindən Mavi Məscid adlandırılırb. 1934-cü ildə muzeyə çevrilib. Eminönüyə gəlib 15 dəqiqə yuxarı doğru gedin. Tramla gəlsəniz, Sultan Əhməd meydanında enin.
5. Yerebatan Sarnıcı
Bura sütunlarıyla, öz əfsanələriylə məşhurdur. Bizans imperatoru tərəfindən sarayı su ilə təmin etmək üçün istifadə olunub. Sütunların üzərində olan şəkillərin göz yaşını xatırlatması burada işləyərkən həyatını itirən qullara işarədir. Ayasofyanın qərbində kçik bir binadadır.
Bura gəldiyiniz zaman Ayasofyanı, Sultan Əhmədi və Qalata qülləsini ziyarət edə bilərsiniz. Sanki hər şey bu meydanda cəmləşib.
Yerəbatan Sarnıcına giriş qiymətləri:
Tələbə, müəllim və təqaüdçülər 5 TL.
Normal qiymət 10 TL.
Xaricilər 20 TL.
Hər gün 09:00 – 17:30 arasında açıqdır. Burada muzey kartı keçərli deyil. Ətraflı məlumat üçün (0212) 522 12 59 nömrəsinə zəng edin.
6. Kapalı Çarşı (Qapalı Bazar)
Bəyazit, Nuruosmaniyyə və Mərcan səmtlərinin arasında yer alan, ən qədim böyük bazarlardan biridir. Burada təxminən 4000 mağaza var. İldə 91 milyona yaxın turist Qapalı Çarşıya gəlir. Demək olar ki, hər şey satılır. Gəzdiyiniz zaman ab-havaya heyran qalacaqsınız.
7. Dolmabahçe Sarayı
Qabataşdan Beşiktaşa uzanan Dolmabağça küçəsiylə İstanbul boğazı arasında yer alır. Mərmərə dənizindən Boğaziçinə dəniz yoluyla girişdə Üsküdar və Salancağın qarşısında yerləşir. Osmanlı imperiyasında gəmilərin saxlanıldığı, sonra isə bağçaya çevrildiyi yer olub. Atatürk bir müddət burada yaşayıb.
Dolmabahçe Sarayının yerləşdiyi Beşiktaş sahil bölgəsi, keçmişdə Bosfor körfəzlərindən biri olaraq gəmiçilik fəaliyyətinin şahidi olan bir bölgədir. Qədim dövrlərdən bəri gəmilərin sığındığı təbii bir liman olan bu koy, Bizans dövründə də hökmdarlar tərəfindən qeyd edilmiş və bu bölgədə kral sarayları inşa edilmişdir.
Ziyarət saatları:
Bazar ertəsi və cümə axşamı bağlıdır. Digər günlər saat 09:00-dan 16:00-a qədər ziyarətə açıqdır. Burada qiymətlər belədir:
Tam bilet - 30 TL
Endirimli – 15 TL
Şüşəli köşk – Saat muzeyi tam bilet 20 TL
Şüşəli köşk – Saat muzeyi endirimli – 10 TL
Saray kolleksiyaları muzeyi tam – 5 TL
Saray kolleksiyaları muzeyi endirimli – 2.5 TL
Şagir ekskursiya bileti – 5 TL.
8. Gülhane Parkı
Osmanlı dönəmində Topqapı sarayının əsas bağçalarından biri kimi istifadə olunurdu. Güllər, lalələrlə bəzədilən bu park zamanla kiçilib. İndi də Türkiyənin ən gözəl parklarındandır. Burada gözəl vaxt keçirmək olar. Ətrafında bir çox muzey var.
9. Hidiv Kasrı (Hidiv Qəsri)
Misirin elçisi Almas Hilmi Paşa tərəfindən 1907-ci ildə inşa etdirilib. O, vəzifədən çıxarıldıqdan sonra ailəsiylə burada yaşayıb. Daha sonra bələdiyyəyə verilən bu tikili 1982-ci ilədək istifadə olunmayıb. 1984-cü ildən kafe, restoran kimi xidmət göstərir.
Qiymətlər müxtəlifdir.
Həftə içi, saat 09:00 və 14:00 arası qəlyanaltı 25 TL
Həftə sonu, saat 09:00 və 13:00 arası qəlyanaltı 35 TL.
Hidiv qəsrinə necə getmək olar?
Beykozda Çubuqlu səmtindədir. Kanlıcadan 5-10 dəqiqəyə piyada getmək mümkündür. Avropa tərəfdən Fateh Sultan Məhmət körpüsünü keçib ilk çıxışda bura gələ bilərsiniz.
10. Çırağan Sarayı
İstanbulun Beşiktaş məhəlləsində, Çırağan küçəsində olan bu tarixi saray XVII əsrdə “Qazancıoğlu baxçaları” kimi tanınırdı. XVIII əsrdə xüsusən məşhurlaşıb. Tarixi əhəmiyyətli şəxslər burada ziyarətdə olub. Saray 1910-cu ildə yanıb. 1871-ci ildə Sarkis Balyan buranı təmir edib. Sarayın yenidən tikilməsi üçün Avropa ölkələrindən borc alınıb.
11. Mihrabat Korusu (Mihrabat Qoruğu)
Mihrabat bağı İstanbulun Beykoz rayonun Kanlıca qəsəbəsində yerləşir. Mənzərəsi dillərə dastan olan bağ Sultan II Əmdülhəmidin Berlindəki səfiri Sadullah paşanın həyət yoldaşı misirli Abbas Həlim paşanın qızı Ruqiyə xanıma üzgördü üçün hədiyyə edilib. Bir çox sənətçiyə ilham verən bağ olduqca böyükdür. Yahya Kamal Beyatlılar, Özdemir Asaflar ən gözəl şeirlərini burada yazıblar.
Yəhya Kamal Bayatlının misraları belədir:
“Sana dün bir tepeden baktım aziz İstanbul!
Görmediğim gezmediğim, sevmediğim hiçbir yer,
Ömürüm oldukça gönül tahtıma keyfince kurul!
Sade bir semti sevmek bile bir ömre değer.”
Ünvan: Mihrabat küçəsi No: 50 Qanlıca Beykoz.
Əlavə məlumatlar üçün: (0216) 425 86 16
12. Beylerbeyi Sarayı
Üsküdar rayonunun Bəylərbəyi səmtində yerləşən saray dövrün Osmanlı padşahı Sultan Əbdüləzizin sifarişi ilə, erməni əsilli baş memar Sarkis Balyan tərəfindən inşa olunmuşdur. Yay sarayı və əcnəbi dövlət adamlarının qonaq edilməsi məqsədilə hazırlanan sarayın inşaat prosesi 6 avqust 1863-cü ildə başlamış, açılış mərasimi isə 21 aprel 1865-ci ildə cümə salamlığının ardından Sultan Əbdüləzizin iştirakı ilə baş tutmuşdur. O illərdə sarayın inşaat xərcləri təqribən 500 min Osmanlı lirəsi olaraq hesablanmışdır.
Necə getmək olar?
Sahil yolu ilə irəliləyərək 30 dəqiqəyə çatmaq olar. Üsküdardan Beykoz tərəfə gedən avtobuslarla 10 dəqiqəyə çata bilərsiniz.
Giriş qiymətləri:
Endirimli bilet 10 TL, tam bilet 20 TL-dir. Yalnız sarayın bağçasını gəzmək istəsəniz 1 TL ödəməlisiniz.
Ziyarət saatları:
Saat 09:00-dan 17:00-a qədər açıq olur.
13. Miniatürk
Miniatürk memarlıq baxımından fərqlənən binaları, təbii gözəllikləri ilə 60 min hektar ərazidə yerləşir. Tikililərin maketlərini görə biləcəyiniz bu parkı ehtiva edən muzey sizi heyrətləndirəcək.
Miniatürk haradadır?
Haliç Sütlücədə İmrahor küçəsindədir. Avtomobillə rahat getmək olar.
Avtobusla:
Taksimdən 54HT
Topqapıdan 41ST
Məcidiyəköydən 54HŞ
Eminönündən 47, 47E və 47Ç.
Ziyarət saatları:
Saat 09:00-dan 18:00-a qədər açıq olur.
Giriş qiymətləri:
Tam bilet 5 TL
Şagirdlər 3 TL
Müəllim, hərbçi 3 TL
Xarici vətəndaşlar 10 TL.
14. İstanbul Vialand Lunapark
Türkiyənin ən yaxşı lunaparkıdır. Həftə içi 10:00-dan 22:00-a qədər fəaliyyət göstərir. Burada istədiyiniz kimi əylənə bilərsiniz. Doğum gününüzdə getsəniz, pulsuz dincələcəksiniz.
Bilet qiymətləri:
Tam (15-59 yaş arası) 89 TL
Uşaqlar (5-14 yaş arası) 80 TL
2. Seans 45 TL.
15. Eyüp Cami (Eyüp Məscidi)
Bir çox məzarın olması bura fərqli ruhani atmosfer verir. Sanki hər tərəf mənəviyyat qoxuyur. Əsl hüzur tapmaq üçün məkandır. Xüsusən Ramazan ayında fərqli ab-hava hökm sürür. Eyyub səmtində yerləşir. Anadolu istiqamətdən avtobusla Ayvansarayda düşərək gələ bilərsiniz.
16. Pierre Loti
İstanbulun ən gözəl yerlərindəndir. Eyyub məscidinə gedərkən bura da çıxa bilərsiniz. Teleferiklə çıxın, aşağı isə piyada yeriyin. Teleferikə İstanbul kartıyla minmək olar. Pierre Loti insanlara xoş duyğular bəxş edir.
17. Adalar
Böyükada, Heybəliada, Burqazada, Xınalıada kimi adaların adları qədimdə Şahzadə adaları olub. Bizans dövründə bir çox saray mənsubu bu adalara sürgün olunub. Adalar təbiəti və gözəllikləri ilə göz oxşayır. Faytonla rahat gəzmək imkanı var. Gəzmək, velosiped sürmək istəyənlər üçün misilsiz yerdir. Bostancı, Üsküdar və Kadıköydən gəmiylə getmək olar.
18. Kuzguncuk Evleri (Quzğuncuq Evləri)
Xüsusilə toy fotoları çəkdirənlərin sevimli məkanıdır. Üsküdar məhəlləsində yerləşir. Köhnə adı olan “Hrisokeramos” “qızıl kirəmit” mənasını verirdi. II Fateh Məhmət Quzğuncuğa yerləşərək bu yerə Quzğuncuq adını verib. Buradakı evlərin gözəlliyi sizi heyran edəcək. Çamlıca təpəsi də bura yaxındır.
19. Kızkulesi (Qız Qülləsi)
Dənizin ortasında yerləşən qüllə şəhərin simvollarından biridir. Möhtəşəm görünüşü və tarixi ilə diqqət çəkir. Kiçik bir adada inşa edilib.
Üsküdar və Sancaqdan Qız qülləsinə həftə içi saat 12:30-dan 18:30-a, həftə sonu isə 11:00-dan 18:30-a qədər səfər etmək mümkündür.
Bilet qiymətləri 10-20 TL arasında dəyişir.
20. Haydarpaşa Garı (Heydərpaşa stansiyası)
Haydarpaşa Dəmiryol Stansiyası 1906 II-də inşa edildi. Abdulhəmidin dövründə başladı və 1908-da tamamlandı. Alman şirkəti tərəfindən inşa edilən stansiya III-cü ildə tikilib. Səlimin paşalarından olan Heydər Paşanın adını daşıyır. Tikintinin məqsədi İstanbul Bağdad dəmiryolu xəttinin başlanğıc nöqtəsi hesab edildi.Sizə bu məqalə də maraqlı ola bilər:
