Çatlamış dodaqlar üçün 10 təbii vasitə
İnsan bədəninin ən həssas nöqtələrindən biri olan dodaqlar soyuq havanın təsiri altında çatlaya bilər, isti havanın təsiri ilə quruyar. Lakin dodaq çatlamasının səbəbləri bunlarla məhdudlaşmır. Bəs dodaq çatlamasının səbəbləri nədir? Hər hansı bir həll yolu varmı
Dodaqların çatlaması və qurumasının qarşısını alan təbii yollarla yanaşı, dodaq balzamları, dodaq nəmləndiriciləri və xüsusi kremlər də çox təsirli məhsullardır.
Dodaqların çatlamasına qarşı təbii qidalar
1. Gül yarpağı
Dodaqlarınızı nəm qalmasına kömək edir. Bir ovuc gül ləçəyini bir kasa ilıq süddə yarım saat saxlayın. Gül ləçəklərini qabdan çıxarıb əlinizlə və ya blenderlə qarışdırın. Əmələ gələn qarışığı yatmazdan əvvəl 2-3 dəfə dodaqlarınıza çəkin.
2. Süd kremi
Çatlamış dodaqlar üçün ən yaxşı təbii dərmanlardan biridir. Süd kremi dodaqları nəmləndirən yüksək yağ tərkibinə malikdir. Hər gün istifadə etməklə yaxşı nəticəyə nail ola bilərsiniz.
3. Su
Bədənimizdəki su çatışmazlığı bir çox problemə səbəb olur. Dodaq çatlamasının və qurumasının ən vacib səbəblərindən biri az su istehlakı və ya ani su itkisidir. Gündə ən az 8-10 stəkan su için.
4. Aloe Vera geli
Aloe vera bitkisinin sağlamlıq və kosmetika sahəsində geniş bir nüfuza sahib olduğunu bilirik. Aloe vera yarpağını uzununa kəsin və içindən çıxan geli dodaqlarınıza çəkin. Dadı xoş olmasa da, dodaqlara olduqca faydalıdır.
5. Şəkər
Şəkərin ölü hüceyrələrin dəridən çıxarılmasında rolu böyükdür. İki xörək qaşığı balı qaşıq şəkərlə qarışdırın. Bir neçə dəqiqə dodaqlarınıza sürtün. Sonra barmaqlarınızla dodaqlarınıza yayın.
6. Hindistan qozu yağı
Qatı Hindistan qozu yağı xüsusilə soyuq və quru havaların səbəb olduğu dodaq çatlamalarına yaxşı təsir edir. Dodaqlarınızı nəmli qalması üçün hindistan qozu yağından istifadə edin. Əlbətdə ki, bu yağın əvəzinə üzvi zeytun yağı istifadə edə bilərsiniz.
7. Xiyar
Xiyar quru və çatlamış dodaqlarınız üçün ən əlçatan tərəvəzdir. Kiçik bir xiyar parçasının toxumlu və şirəli hissəsini dodaqlarınıza sürtün. 15-20 dəqiqədən sonra ilıq su ilə yuyun. Gündə 5-6 dəfə etməklə dodaqlarınız ideal halına qayıdacaq.
8. Bal
Bal antibakterialdır və müalicəvi xüsusiyyətlərə malikdir. Dodaqlarınıza gündə bir neçə dəfə təmiz üzvi bal çəkin. Daha yaxşı bir nəticə əldə etmək üçün qliserin və bal qarışığı hazırlaya bilərsiniz. Bu qarışığı yatmazdan əvvəl tətbiq edin.
9. Badam
Nəmləndirici kremlərin əsas tərkib hissələrindən biri olan badam, bu sahədəki təsiri ilə özünü sübut edən təbii məhsullardan biridir. 1 çay qaşığı əzilmiş badamı bir qaba tökün, yarım çay qaşığı təmizlənmiş şəkər və 1 çay qaşığı bal əlavə edin. Bu qarışığı dodaqlarınıza 2 dəqiqə saxlayın və sonra silin.
10. Qəhvə
Dəridə cavanlaşdırıcı təsiri ilə tanınan və dərini hamarlaşdıran qəhvə dənəsi dodaqlara da faydalıdır. Bir qaba təxminən 1 çay qaşığı qəhvə unu qoyun. Üzərinə 1 çay qaşığı bal və 1-2 damla zeytun yağı əlavə edin. Bu qarışığı dodaqlarınıza çəkin. Sonra onu ilıq su ilə yuyun.
Dodaq quruluğunun və çatlamasının səbəbləri
Zərərli günəş şüaları, soyuq hava və həssas bir dəriyə sahib olmaq dodaq çatlamasının əsas səbəbi
hesab edilə bilər. Ancaq digər səbəblər də mövcuddur. Onlar aşağıdakılardır:
- Siqaret çəkmək
- İstifadə olunan dərmanların yan təsirləri
- Allergiya
- Dodaqları yalamaq
- Vitamin çatışmazlığı
- Soyuq hava
- Kifayət qədər su içməmək
- Diş məcunlarının yan təsirləri
- Ağızla nəfəs alıb-vermək
- Kosmetik vasitələr
- Dodaq çatlamasının əlamətləri
Dodaqlardakı qızartı, şişlik və soyulmalar dodaq çatlamasının əsas əlamətləridir. Bundan əlavə, dodaqdakı ağrı və quruluq dodaq çatlamasının xəbərçisidir.
Dodaq quruluğu hansı vitamin çatışmazlığından yaranır?
Dodaq quruluğu və çatlaması hərarət, şəkər və digər xəstəliklərlə də əlaqədar ola bilər. Həmçinin, B vitamini çatışmazlığı da bu problemlərin yaranmasına səbəb olur. Süd və ət məhsulları, quru meyvələr B vitamini ilə zəngindir.
[xeberdarliq]
