Diş qıcırtısının səbəbi nədir, bu necə baş verir?
Diş qıcırdatma uşaqlarda və yeniyetmələrdə adətən yuxu zamanı rast gəlinən problemdir. İnsanın dişlərini sıxaraq bir-birinə basması halı olan diş qıcırdaması, bəzi hallarda müalicə tələb edə bilər. Bəzi insanlarda diş qıcırtısı baş ağrısına, dişlərin zədələnməsinə və yuxu pozğunluğuna səbəb ola bilər.
Dişlərin qıcırdamasına nə səbəb olur?
Diş qıcırtısının səbəbi həmişə məlum olmasa da, genetik və psixoloji faktorlardan qaynaqlandığı düşünülür. Ümumi mənada diş qıcırdatma probleminin səbəbləri bunlardır:
1- Dərmanlar
2- Stress, miqren, yuxu pozğunluqları
3- Psixoloji və nevroloji problemlər
4- İstifadə olunan bəzi dərmanlar
5- Diqqət çatışmazlığı və hiperaktiv pozğunluqlar
6- Siqaret və spirtli içki istifadəsi
7- Genetik faktorlar
Diş qıcırtısını necə aradan qaldırmaq olar?
Əsasən fiziki və dərman müalicəsi ilə nəzarət olunan diş qıcırtılarına qarşı ala biləcəyiniz tədbirlər bunlardır:
• Diş qıcırdatmağın əsas səbəbi stresdir. Mümkün qədər stresdən uzaq olmaq və ya streslə mübarizənin yollarını öyrənmək lazımdır.
• Diş həkiminizdən kömək ala bilərsiniz. Onun sizə tövsiyə edə biləcəyi lövhələr dişlərin və çənə oynağının zədələnməsinin qarşısını ala bilər.
• Diş qıcırdatma problemindən xilas olmaq üçün dişlərə botoks tətbiqi də çox faydalı olacaq. Botoks prosesi əzələləri rahatlaşdırır. Prosedur 6 aya qədər təsirli olur.
• Ağızda qapanma pozğunluqları və əskik diş problemləri varsa, müalicə edilməlidir.
• Axşam yeməyindən sonra tərkibində kofein olan qidaları qəbul etməyin. Stimulyatorlar yuxu keyfiyyətinizə mənfi təsir edir və bu da yatarkən dişlərinizi sıxmağınıza səbəb ola bilər.
[xeberdarliq]
