Kişiləri başdan alan 10 qadın geyimi və aksessuarı
Kişilər çox vaxt qadınlar üçün bir tapmaca olurlar. Qadınların seksual hesab etmədi bir çox şey onları dəli edə bilər. Kişilərin diqqətini çəkən qadın geyimləri və aksessuarlarını təqdim edirik.
1. Eynək
Bəzi oğlanlar yeniyetməlik illərində məktəbdə müəllimlərinin və ya daim kitabxanada kitab oxuyan qızların qəlbinə yol tapmaq fantaziyaları qururlar. Bunun baş vermə ehtimalının aşağı olması bu qadınları onlar üçün daha cəlbedici edir. Əlçatmaz hər şey dəyərlidir. Kişilərdə bu hissi oyadan eynək onlara böyük təsir göstərir. Odur ki, heyran etmək istədiyiniz biri varsa, sizə uyğun eynək taxmağınızı məsləhət görürük.
2. Dəri geyimlər
Dəri geyimlər qadınlarda və kişilərdə özünə inamı və üstünlüyü göstərir. Nəzarətin qadında olduğu təəssüratı yaradan dəri paltarlar, həqiqətən də, kişiləri şirnikləndirən bir detaldır. Qadınların qorxuducu görünüşünü seksual hesab edən milyonlarla kişi var.
3. Tayt
Yoqa şalvarları və idman taytları qadınlar üçün baxımsızlıq əlamətlərindən biridir. Amma kişilər sizinlə qətiyyən razılaşmırlar. Kişilər gözləri ilə aşiq olurlar, bunu hamımız bilirik. Bədəninizi tamamilə sıxan tayt kişilərə çılpaq vücudunuzla bağlı ipucuları verir.
4. Kişi geyimləri
Bir çox qadınların əmin olduğu bir həqiqət var: sevgilisinin köynəyini geyinən qadın cəlbedicidir. Kişilərə aid olan paltarların qadınların əynində görünüşü hər kişini başdan çıxarır.
5. Hündürdaban ayaqqabılar
Kişilər hündürdaban ayaqqabı geyinən qadınlara biganə qala bilmirlər. Hündürdaban ayaqqabılar görünüş etibarilə qadınları özgüvənli göstərir. Ombanı olduğundan daha qabarıq göstərməsi hündürdaban ayaqqabıları hər kişi üçün cazibədar edir.
6. İdman ayaqqabıları
İdman ayaqqabıları qadınları daha atletik göstərdiyi üçün əksər kişiləri də cəlb edir. Təbii ki, bir kişini heyran etmək üçün hər gün hündürdaban ayaqqabılardan əziyyət çəkməyə məcbur deyilsiniz. Zövqlə seçilmiş idman ayaqqabısı da işə yarayacaq.
7. Göbəyi açıq geyimlər
Bəli, dekolte kişiləri dəli edən bir şeydir, lakin göbəyi açıq geyimlər də eyni dərəcədə təsir yaradır. İllər keçsə də, kişilər Şakiranı hələ də buna görə cazibədar hesab edirlər. Göbəyinizi göstərməkdən qorxmayın, çünki kişilər bunu sevirlər.
8. Krujevalı geyimlər və alt paltarları
Kişilərin əksəriyyəti transparan paltarları sevir. Bunun səbəbi isə tamamilə çılpaq bədəndən çox, qismən çılpaq bədəni daha maraqlı hesab etmələridir. Krujevalı paltarlarınızdan görünən dəriniz kişiyə sizi çılpaq təsəvvür etmək həzzi verir. Bunun onlar üçün nə demək olduğunu anlamaq kifayət qədər çətin olsa da, fantaziya dünyalarını hərəkətə keçirdiyini deyə bilərik.
9. Hündür çəkmələr
Çəkmələr əksər kişilər üçün şəhvət elementidir. Bəlkə də uzun çəkmələrin ayaqları qucaqlayıb daha uzun göstərməsinin seksual görünüşlə bir əlaqəsi var. Qadını seksual və zərif göstərən çəkmələr baldır və omba nahiyələrini də diqqətdə saxlamağa səbəb olur.
10. Kiçik qara paltarlar
Qara paltara bürünmüş bədənin kişi üçün nə demək olduğunu başa düşmək çətindir. Bu paltarlar kişilərdə birbaşa olaraq sahib olmaq arzusunu oyadır. Onlar üçün bu paltarın altındakı bədən həmişə maraq doğurur.
