Uşaqlarda eşitməni nə zaman müayinə etmək vacibdir?

Uşaqların eşitməsini 3 ayından başlayaraq yoxlamaq mümkündür.

Bunu ATU-nun Tədris Cərrahiyyə Klinikasının Lor Cərrahiyyəsi şöbəsinin həkimi Afaq Şadlinskaya deyib.

Uşaqlarda eşitməni hansı hallarda müayinə etmək vacib sayılır?

Həkim bildirib ki, həyatının ilk 2-3 ayından başlayaraq uşağın yüksək səsə reaksiyası yoxdursa (yüksək səsin istiqamətini axtarmırsa), 6 ayından başlayaraq qısa əmr cümlələrini (gəl, get, sağ ol və s.) anlamırsa, 1 yasından etibarən sadə sözləri, istəklərini deməyə cəhd etmirsə (su və ya su ver, sağ ol və s.), 2 yasından söz ehtiyatları çoxalmırsa, mütləq eşitməni müayinə etmək lazımdır.

Yeni doğulan körpələrdə körpə xəstəxanada olarkən eşitmə skrininqinin edilməsi vacibdir.

3 yasından etibarən uşaq artıq cümlə qurmalı və fikrini ifadə etməyə başlamalıdır.

Mütəxəssisin sözlərinə görə, uşaqlarda eşitmə problemi anadangəlmə faktorlar, genetik problemlər, qohum evliliyi, yarımçıq və az çəkili doğulma, anadangəlmə sarılıq (qanda bilirubinin 230-dan çox olması), hamiləlik zamanı rubella, toksoplazmoz, sitomeqalavirus və s. titrinin yüksək olması, hamiləlik zamanı ototoksik dərmanla müalicə ilə əlaqədar ola bilər.

Ən çox görülən eşitmə testi körpə yatarkən tətbiq edilən OAE (auto-akustik emissiya) testidir. Xüsusi bir səs göndərilir və daxili qulaqdakı xarici tük hüceyrələrinin cavabı səsə qədər ölçülür. Bu proses körpəyə zərər vermir və zərər vermir. Bu, bir neçə dəqiqə çəkən sadə bir ölçmədir. Eşitmə obyektiv olaraq qiymətləndirilir, körpənin iştirakı tələb olunmur. Doğuşdan sonra 48 saatı tamamlayan hər körpə üçün eşitmə testi edilə bilər.

Sonradan qazanılma faktorlara isə orta qulaqda mayenin olması (burun tənəffüsünün pozulması zamanı), medikamentoz səbəblər, travmalar və s. aiddir.

3 ayından başlayaraq uşaqların eşitməsini BERA və ASSR testləri vasitəsilə dəqiq müayinə etmək olar.

BERA testi - yuxu vəziyyətində eşitmə sisteminin səs qıcığına qarsı fizioloji həssaslığın ölçülməsi metodudur.