Kişilərin xəyanət etməyinin 9 səbəbi
Xəyanət cütlüklər arasında ən böyük problemdir. Bir çox qadın "bütün kişilər xəyanət edir" düşüncəsinə sahibdir. Kişilərin mahiyyətində qadını aldatmağın olduğunu düşünənlər var. Buna görə qadınlar kişilərə inanmaqdan çəkinirlər. Bəs kişilər niyə xəyanət edir? ABŞ-da aparılan araşdırma nəticəsində kişilərin etdikləri xəyanətə haqq qazandırmaları məlum olub. Kişi öz qadınını aşağıdakı səbəblərdən dolayı aldadır.
1. Kişi öz qadınına olan hissləri azaldıqda aldatmağa meylli olur. Ailəsinin dağılmasını istəməyən kişi gizlicə başqa qadınlarla münasibət qurmağı normal hal hesab edir.
2. Qadın ara vermədən danışır və kişiyə qulaq asmırsa, bu durum kişinin başqa qadınlara maraq göstərməsinə səbəb olur. Çünki kişi çox danışan qadından bezir və ondan soyuyur.
3. Əksər qadınlar kişilərin xəyanətinə göz yumurlar. Bu, onların ailələrini qorumaq düşüncəsi ilə bağlıdır. Belə olan halda kişi xəyanəti adət halına gətirir.
4. Demək olar ki, bütün kişilər fərqli qadınlarla cinsi əlaqə qurmağa meyllidirlər. Belə imkan yarandıqda ondan maksimum istifadə etməyə çalışırlar.
5. Bir çox qadının kişiyə diqqət göstərməsi xəyanətin önündən götürülən qaya parçası kimidir. Qadınların marağı kişini ərköyün edir.
6. Xəyanət edən kişilər bunu qadınlarının əvvəlki kimi cazibədar olmadıqlarıyla əlaqələndirirlər. Buna görə bu cür əmələ əl atdıqlarını bildirirlər.
7. Ailə quran cütlüklər arasında zamanla hər şey adi hal alır. Həyəcan, vurğunluq aradan qalxır. Bunu görən kişi digər qadınlara meyl salır.
8. Kişilər qadınların onları xəyanət üstündə yaxalaya biləcəklərinə inanmırlar. Ancaq aldadılan qadın gec-tez bunu anlayır.
9. Əslində, xəyanət həyəcanlı anlara olan aclıqdan yaranır. Kişi fərqlilik yaşamaq üçün xəyanətə əl atır.
