Boyun ağrısını aradan qaldırmaq üçün məşqlər hansılardır?
Bu gün insanların tez-tez qarşılaşdıqları sağlamlıq problemlərindən biri olan boyun ağrısı xüsusən oturaq iş rejimində işləyənlərdə və kompüter arxasında saatlarla oturanlarda özünü biruzə verir. Buna səbəb olan amilləri və qarşısın almaq üçün ediləcək məşqləri araşdırmışıq.
Boyun ağrısına səbəb olan amillər
Gün ərzində hərəkətləri məhdudlaşdıran və həyat keyfiyyətinə birbaşa təsir edən boyun ağrısı çox narahatedici bir vəziyyətdir. Yataq və yastığın bədən erqonomikası üçün uyğun olmaması da boyun ağrısına səbəb ola bilər. Köhnə, deformasiyaya uğramış yataqlar günə yorğun başlamağa və boyun ağrısına gətirib çıxarır.
Unutmamalıyıq ki, əksər boyun və bel ağrıları səhv hərəkətlərimizdən qaynaqlanır. Gün ərzində uzun müddət hərəkətsiz qalmaq müxtəlif bədən ağrılarına səbəb olur.
Boyun ağrısı yaradan digər amillər isə qəza, travma, kalsifikasiya və boyun yırtığıdır. Eyni zamanda, duruş pozğunluğu və hərəkətsizlik səbəbiylə kalsifikasiya və boyun yırtığı boyun ağrısına ciddi mənada vüsət yarada bilər. Uzun müddət davam edən və hər gün daha da şiddətlənən boyun ağrınız varsa, həkimə müraciət etməlisiniz.
Boyun ağrısı məşqləri hansılardır?
Məşq -1
Əllərinizi alnınıza qoyun və başınızı irəli itələyərək əllərinizlə təzyiq göstərin. Bu hərəkəti 2-3 saniyəlik fasilə ilə 3 dəfə təkrarlayın. Diqqət yetirməli olduğunuz ən vacib məqam əllərinizlə başınıza təzyiq göstərməkdir.
Məşq -2
Əllərinizi başınızın arxasına qoyun, başınızı geri itələyin və əllərinizlə əks istiqamətdə təzyiq göstərin. 10 saniyə davam etdirməklə 3 dəfə təkrarlayın.
Məşq -3
3-cü məşqi əllərinizi istifadə etmədən edin. Başınızı irəli əyin və çənənizi sinənizə yaxınlaşdırın. Sonra boynunuzu geriyə doğru gərərək eyni əməliyyatı təkrarlayın. 5-6 saniyəlik bir gözləmə müddəti ilə 3 dəfə təkrarlayın.
Məşq -4
Əlinizi sağ və sol gicgahınıza qoyaraq yanlara doğru itələyin. Ancaq əvvəlki məşqlərdən fərqli olaraq əlinizlə təzyiq göstərməyin. 10 saniyəlik prosesi 3 dəfə təkrarlayın.
Məşq -5
Əvvəlcə başınızı sağa əyin, qulağınız çiyninizə toxunsun. 10 saniyə gözlədikdən sonra boynunuzu düz tutun və eyni əməliyyatı 2 dəfə təkrarlayın. 4-5 saniyə istirahət edib eyni hərəkəti 3 dəfə təkrar edin. Özünüzü çox gücə salmamağa diqqət edin.
Məşq -6
Əllərinizi qarnınızda birləşdirin və əllərinizi qaldırmadan çiyinlərinizi yuxarı qaldıraraq halqavari hərəkət etdirin. 5-6 saniyəlik istirahət müddətindən sonra eyni prosesi təkrarlayın. Məşq bitdikdən sonra istirahət müddətində qollarınızı tam sallamayın.
